Felipe Hernández Cava e Bartolomeu Seguín, guionista e debuxante respectivamente, foron galardoados co Premio Nacional de Cómic 2009 pola súa obra As serpes cegas. O Premio, cunha dotación de 20.000 euros, é concedido polo Ministerio de Cultura á mellor obra desta especialidade publicada en calquera das linguas do Estado durante o ano.
Título: Quen matou a Inmaculada de Silva?
Autora: Marina Mayoral
Editorial: Xerais
Reseña:
Etelvina de Silva, orfa de nacemento, educada en Madrid dende moi nova polo seu tío Alberte, durante o curso escolar e o verán que pasou en Brétema, na casa das súas tres tías avoas, descubre a súa vocación literaria. Axudada pola súa curmá Catara e por Juancho, un compañeiro do instituto con ansias de artista do que se namora, acometerá unha investigación no seu pasado familiar, que a levará a tratar de averiguar que sucedeu realmente aquela noite na casa familiar da Braña, onde hai tres décadas morreron Antón do Cañote, un fuxido, un loitador sen esperanza, e Inmaculada de Silva, unha antepasada, unha beleza, unha cazadora de primeira, a quen todos din que ela moito imita. Tras esta experiencia, Etel sabe que será escritora, a súa maneira de deixar unha pegada do seu paso polo mundo, ao tempo que se decata de que na literatura como no amor sempre hai cabos soltos
Título: Poesía española para jóvenes
Autora: Selección Ana Pelegrín
Editorial: Anaya
Reseña:
Unha antoloxía que reúne aos nosos mellores poetas, nunha selección moi adecuada á sensibilidade dos adolescentes de hoxe. Os máis grandes poetas fálannos cos seus versos do amor, do sentido da vida, da natureza…
Título: Tratado de las pasiones.
Autor: Antonio Lobo Antunes
Editorial: Siruela
Reseña:
Un terrorista -o Home- e un Xuíz de Instrución enfróntanse, desde posicións atopadas, nun interrogatorio que vai moito máis alá do intento de conseguir información. Os dous homes coñécense desde nenos e na conversación sairán a relucir -nun mesturarse de tempos e voces pasados e presentes- todas as súas diferenzas ideolóxicas e de clase: o xuíz provén dunha mísera familia campesiña e o terrorista é neto do dono das terras onde esta traballaba. Cunha linguaxe desbordante, riquísimo en recursos expresivos -onde cada palabra parece ser puída ata alcanzar unha nova categoría-, Lobo Antunes profunda admirablemente na alma humana ata a súa médula máis espida.
Título: Calquera noite pode saí-lo sol.
Autor: Joaquim Micó
Editorial: Galaxia
Reseña:
Unha noite, de madrugada, Roberto Peña esperta sobresaltado porque alguén está petando con forza na porta do seu piso. Cando abre, atópase coa policía. A súa amiga Xema, loira e fermosa, despois de avisar na casa dos seus pais que ía ver a Roberto, desapareceu sen deixar rastro. Como consecuencia deste suceso inicial vanse precipitar unha serie de acontecementos relacionados co mundo da droga e os narcotraficantes que acabarán arrastrando ó protagonista a peligrosas aventuras.
Unha novela policiaca escrita con humor, que se le con interese desde que empeza ata que remata.
A Olimpíada Solidaria de Estudo é unha innovadora acción de educación ao desenvolvemento e de sensibilización á solidariedade.
Foi pensada por unha ONG española, Coopera – Novas para a Cooperación ao Desenvolvemento, e organizada por primeira vez en 2003 na cidade de Logroño (A Rioxa – España).
Baixo o lema “¿Queres ser solidario?…” por cada hora do teu estudo, un dos nosos patrocinadores destinará 1€ para o financiamento de catro proxectos educativos en Angola, Camerún, Ecuador e Haití. Decátache de como podes ser solidario estudando.
Os mozos poden acudir a estudar ás salas habilitadas para a Olimpíada e converterse en estudantes solidarios. As súas horas de estudo son patrocinadas por institucións públicas e empresas privadas que achegan 1 € por cada unha. O teu esforzo convértese no diñeiro que permite o financiamento de varios proxectos de axuda ao desenvolvemento destinados a mozos do Sur e cuxos temas principais son a educación e a formación profesional. Deste xeito os estudantes mostran o seu compromiso e solidariedade de xeito activo e convértense en protagonistas do proceso de cambio que se quere impulsar coa axuda ao desenvolvemento.
Para converterche nun estudante solidario só tes que seguir estes pasos:
Título: Cerebros asombrosos
Edición: National Geographic
Sinopsis:
Cerebros asombrosos versa sobre unha das partes menos exploradas do noso corpo. Os seus tres episodios narran a historia de tres individuos con incribles calidades. Tres vivencias persoais que abrirán os nosos ollos ao mundo da mente humana e as súas infinitas posibilidades..
Título: Me llamo Rojo
Autor: Orhan Pamuk
Editorial: Alfaguara
Reseña:
«Atopa ao home que me asasinou e contareiche detalladamente o que hai na outra vida.» Pamuk conseguiu unha novela total. Á sabedoría da mellor narración histórica únese o ritmo trepidante da novela negra e unha sedutora historia de amor. Chámome Rojo introdúcenos no esplendor e a decadencia do Imperio Turco, unha potencia que chegou ata as portas de Viena. Viaxamos ata o século XVI, o sultán desexa inmortalizar a súa figura nun lenzo, pero a lei islámica prohíbeo. A tentación vence e catro artistas traballarán en segredo, elaborando un libro cheo de imaxes nunca antes pintadas. Ata que un deles desaparece. Logo do libro negro e A vida nova, o lector en español pode penetrarse noutra novela un puzzle filosófico e fantástico no que se cruzan a arte, a relixión, o amor, o sexo e o poder dun dos autores que esperta máis expectación internacional.
Título: ¿Sobrevives?
Autora: Fina Casalderrey
Editorial: Xerais
Reseña: ¿Sobrevives? narra a estremecedora historia de Moni, Francisco Sánchez Loiro, un mozo de dezasete anos que cursa dificultosamente os seus estudios de formación profesional. A súa reiterada mala conducta, as súas amizades sorprendentes, a súa obsesión pola caza e polos seus cans podengos, o seu resentimento oculto e as súas absurdas reaccións, unidas á vivacidade inquietante dos seus enormes ollos, non deixan de abraiar continuamente ó profesorado e ós seus compañeiros. Moni é unha permanente mancha negra que se resiste a desaparecer. Moni, o protagonista de ¿Sobrevives?, vive dacabalo entre un mundo urbano que o rexeita, e no que vive dolorosamente, e un mundo rural que o acolle case amorosamente.
O pasado día sete de Outubro puxéronse á venda os Contos completos de tres dos considerados grandes da literatura universal. É un relanzamento da editorial Alfaguara de devandita colección. Para comezar temos a: William Faulkner, Vladimir Nabokov e Juan Carlos Onetti. ¡Case nada!
Arte Divulgación Infantil e Xuvenil Novela Gráfica
